| Profiel van kanheungKanHeungFoto'sWeblogLijsten |  Extra  Help |
|
29 september 生活新體驗!呀！好耐無用過呢個網頁，經歷左好多野，擒日睇妙手人心2。
入面講左句：「無野係無辦法的，做成事都要雙方面的，如果只有單方面去做，都係唔會成事的。」
幾有道理喎.....不過人生進入另一階段後，諗法果然唔同左，大個仔了，我要搵錢!!!!!!!!!!!!! 27 juni 日本大阪之旅被PR邀請到日本大阪走一回，睇廠，又睇，好玩。
雖然己經好驚出Trips出到驚，但係今次輪到我去，無法。
第一日可以舒適渡過，不過第二日一早就7:00去訪問Sharp大阪總公司高層。
之後一連幾日，去睇廠、參觀Sharp歷史博物館，非常好玩，而且Sharp仲帶我地去其他地方，其中最特別的應該係港幣$3000一個一晚的溫泉酒店，包兩餐，豪華之極。不過及後兩Day，有蟹宴，日日都有蟹，都係食少少，搞到皮膚又敏感了，睇醫生，又無幾百蚊。
最後一日，竟然係京都旅遊，去左清水寺、金閣寺、手工製作飾物。買左好多野，食又多，乜都多，連自己都奢侈埋。一句...好玩。多謝Sharp添。
相片整理好再上載。 15 februari 年度澳門之旅一年一度的東風旅行團...再次遠征澳門，經過去年的算命，今年決定大伙兒去模骨，團友仍然係我、人地老公，人地老婆、梁山兄弟、龍同埋天使，一團幾人，晨咁早坐第一班船到澳門，話時話...真係返工都無咁早，6:30到尖沙咀喎.....死得。
落船...去模骨，感覺相當準喎...想知有幾準，打比我啦，想知地址，打比我啦。不過模骨師傅要預約的喎，收貴OK...平日$200，假日多收50。抵玩。
模完骨再去睇流年運程，相士先生順便幫我地作小算命，一人一百，相士話我呢？勁呀。你生性太多火，由於係你出生年月日關係，做人過性太強，要用水補一補，命中無一點明金，但就有隱瞞了兩點金，正所謂，暗藏兩點金，為富貴命，不過相士就話係可能..而且要到48歲先開始，加上近兩、三年，萬事不宜喎，仲算到我呢兩年身健唔好，要多多注意。又係喎....新年到而家..睇左幾千蚊醫生啦，我死啦，又無錢..又多病。
睇完相，第一次踏入金沙門口，感覺好正，有D要乜有乜的感覺，而且果日仲碰到奇景，一張賭檯有成30-40玩，有條友連WIN 11鋪，搞到全檯都跟佢賣，每鋪投注額30萬，連win 11，你話啦，幾咁勁。
值得一提，金沙自助餐幾好食，12:00-3:00..不過我地遲左入去，食得一個鐘。如果朋友們要去金沙食目助餐，記得睇時間，每位價錢$178..不過有金沙卡有九折，而且過左年，好似仲會平D添。
漁人碼頭，有去呀，幾靚呀，不過唔適合幾個男仔去，最好就係同埋心儀的朋友去，咁樣個感覺好D。
係喎...擒日係情人節，與以往一樣..都係一個人過，要搵女朋友，感覺上唔係太難，但係就搵唔一個適合自己的，點搞呢？無所謂啦，順其自然啦！ 02 januari 06年新的一年05年：
有轉工，轉左做 e-zone，然後開左本新書--AV Zone，真的真的.壓力好大，開頭果幾期...唔係多版，但又要諗做乜，又要做Cover，自己影，一期未完,,又要諗下一期做乜，借機，影，寫..但係好彩Roy哥哥好勁，加上中期有強勁人手阿拔拔加入，仲正，減低工作量。而家可以話慢慢入題，不過可惜仲未升職加人工。唯有還看今年。
另外，生活上沒太大改變，成日話自己乜都識，但結果反看，係乜都唔勁，搞乜呢？
朋友，見到個個都搵到野做，開始有錢出去玩，但係呢，個個都有女朋友，過時過節反而無晒朋友陪你玩，廿幾歲，今年都可謂都無節日氣氛的一年，好似聖誕咁，第一次試過一個人過，係真係一個人喎，連朋友都話返工、陪女友，唯有自己一個人係機舖打左半晚機，死未。12月31日晚，好彩33約左我地去歌唱，雖然全部都係仔，但係感覺都OK，為左唔好比自己咁悶，叫左一個好無見朋友仔去尖咀，順便搵老死Alan哥,因為佢生日，但係一坐低，飲左幾支酒，又收幾百，原來錢係真係好容易就洗左去，零晨3:00，唔想返屋企，朋友仔迫左架車係大富豪，行個去睇下有無戲，有：情義我心知，真係好想睇下戲，點解呢，因為好耐好耐無睇個戲了，加上一直以來想睇“學友、周迅的"如果‧愛"，但係結果還不是被推左，到而家都未睇，唯有又係BT啦。
感情方面，豪無進展。係咁多。
反而最近想讀書，但知道自己定無心機讀，所以還是考慮清楚。
06年大計，升職加薪，讀書，身體健康，如果可以供樓仲會更加好添，不過最緊要係開心啦。
比心機做野，反正好似唔係咁想玩啦！練心、無欲，持續。
07 november 疲倦的身與心：疲倦的身與心：
經過連續幾個星期的心情不振，很不由自主的去做野、寫稿，好似做乜都無乜心機，但奈何錢材問題，不得以，亦不能打開心窗去用錢、購物，所以搞到近期更加低落，返工時間愈黎愈遲，就算起左身，亦再訓，希望再起身時，體力去充沛一點，兩周以來結果還是一樣，毫無進展，還好上周與同事們去左海洋公園玩一玩，心情+10，但體力與聲音各-30，到左本周六，收工後竟然有朋友生日都唔知，抵死！結果由於太多野未做，都搞到11:00幾先收工，害左Roy哥哥要星期日仲繼續寫Cover，有點過意不去。收工後唱K，久未真正唱K的我，發現新歌完全唔識，結果只好同班死友勁飲，雖然都飲好多，但可能有人生日，個個都玩得好放，好開心咁，這樣就令到體力、金錢與精神完全減低到事無前例的低點。今日返工一向多野講的我，竟然完全唔想講野，死啦..與本人作風相反，可能又係另一個階段的開始，希望快D精神D啦！
另外星期六發生一件得意事，一定要記低，好搞笑。
星期六本應最早我都會11:00先起身，但第一個電話，竟然係一個女行家打黎，打得電話黎必定有事，接聽，：「阿勤，你知旺角乜乜公關公司的地址，如果換著其他人，我一定收線，之後搵一搵身邊部PDA，搵到兩個人電話，轉給該行家。」事情簡單的結束。過多5分鐘，另一個電話來了，一個姓李的人物，又話係乜乜公關公司的人，問我幾現家係咪仲做緊e-zone，話下次有新野通知我，心諗，咁邪，一早有兩個人打電話黎，但都係關於乜乜公關公司的。」又完事，沒想到，再過10分鐘，朋友的女朋友打黎問我，你知唔知我今日第一次做model呀.因為佢知道我做記者，我問佢影乜，竟然..........又係到乜乜公關公司影相，比第一次打黎問我地址的行家約左，仲要約上去影。」竟然一個鐘頭內，有三個應原全唔識的人，都打黎話我知、問我同一樣有關的事，我亦只能說一句：「世界真細小→小小，小得真奇妙→妙妙。」 24 september 稿件完成不知不覺，原來係e-zone已經做好幾個月了，感覺很好，同事們工作認真(限星期四、五、六)，與之前的工作地方比較相當唔錯。
伙伴Roy哥哥...各項地方都認真之極，唯獨時間中會發神經。
新人伴柔生，夜遊人，唔知以為佢係見光死，工作認真，增長速度驚人。
仲良，無野講...一個好編輯，勁。
東哥,做佢老味。
媽媽U貴，去完日本..見到成個人充完電，工作效率奇高。
華先生，最近幾次Cover來個新突破，自覺好睇。
件件，快稿王，不過好似病左。
迷生，最近勁病..要快D好返。
洛奇，剪左個新頭，型左。
陳七，終於變左消防員。
冰冰，好似就快生日，不過擒日先知要去唱歌仔，真係唔好意思，約左人。
Ming姐姐，仍然一樣，同第一見到無分別。
Ringo，唔講..因為佢根本係痴線，只不過有時大、有時小。
咁我呢？身感小病，無心工作，寫稿速度極慢，近期影的相超級無新意，銀行存款$10中，心情尚屬一般，以為去完日本可以充少少電，點知搞到無電加嚴重缺錢，限制用錢。不過返工時，有以上及其他無提過的同事帶來一個非常開心的工作環境，才能渡過本月，因為今日出糧了。 17 september Bravia日本台場之旅 + 中秋特輯第一次跟Sony去睇新電視，日本台場，無去過！原來無想像中咁舒服，只不過像是比較靚的旺角，周街都係人，不過最開心的都係一連五日，雖然用左好多錢，但就係食左好多「拉麵」各款湯底試到盡，碗碗都咁大，真係食左呢，黎到香港，即刻比心話→袔勤，你肥左好多喎，你又諗下，夜晚零時3點，唔係好肚餓但係都走左去食超級好食牛肉粒，係神戶的下一級牛肉，口感其佳，入口即溶，加上一碗飯，又完晒，點可以唔肥呢？日本買過袋，點知見到一個幾靚，一睇..多謝9萬日元，真係貴，所以今次日本之旅可以係話無收獲。之於Sony的新系列Bravia LCD TV顏色真係相當唔錯，不過外型就反傳統，較為平實，如果屋企有地方,有錢...用黎睇碟都真係幾享受，連續三個月用錢太多了，搞到成個銀行都無錢，點解會咁呢？我真係唔知喎，中秋節又到啦，好耐無試過人月兩團圓了，不過係到祝有機會睇到此版的人，人月都團圓啦！ 05 juli 生日過後好耐，好耐
無試過有人同我慶祝生日了！
真係要感謝Roy哥哥、U貴媽媽、迷樣先生、貓之Ming姐姐、偷食淫蕩華、腦院長、銅鑼灣先生、有錢人仲良兄及姐夫..(以上排名不為前後)替小弟慶祝，隨場更有DV攝製隊隨行，將整個過程全程攝錄在HDV中，但此片段已列為機密，不得外閱。此時頓覺到何謂：「人間冷暖」、「天地有情」。
又大一年，但係銀行同身上仍然係身無分文，見到近黎有好多朋友結婚、買車、買樓，點解D人咁有錢呢？今年我的生日願望，就係世界和平，哈哈，當然唔係啦，人地話講左出黎就唔會實現啦，所以都係放係個心入面好了。
累中有淚我同你說：「好累」。朋友們問我點解你會好累！人又沒有女朋友，平當又唔見你有好多活動，成日返工有幾累呀。係喎...心想：「係喎」每日返工都只係10個小時，做野都係寫下稿、諗下有乜題目，點解會咁累呢？，再諗：「可能係因為心情問題」眼見有個朋友，是做苦力的，每日也只是訓個5小時，但有感情的支持，每次見到佢都係笑吓吓，完全唔覺得佢有累意，為何我會這樣呢？唔通，真係要乜乜...都係時候了，幾時出現呢？
07 mei 電視下的鬼眼成日要寫LCD TV，但D機硬碟錄影機一定要追完台先可以開機，乜機黎呀，痴線。唯有用外置天線，Roy哥哥叫我拎著天線，即時大叫：「我係天線、天線係我。」估唔到接收功能登時變強。換人Roy哥哥拎著天線，我係痴線，同樣亦加強接收。唔通痴線人拎天線係勁D。 笑死左的我及Noddy大人，發現Roy大俠已笑死倒地，變作電視下的亡魂。
02 mei 我地....終於....喪高峰了。當我和roy哥哥在傾工作時，noddy竟然懷住勁"air"的心情在看網頁，看有關遊日的newsgroup外，還得閒到替人解答登富士山的問題。可憐的我和roy哥哥就更看得眼火爆，無奈noddy的工作效率太快了，已完成了7版，再無工作可言，我唯有含住眼淚繼續望"芒"輕嘆。
令人擔心的事反而roy哥哥未知是否操勞過度，竟然在不斷暴食，狂掃Chips Ahoy!，還沖杯即溶coffee慢慢嘆，妄想自己不用工作在休閒中．．．（你休想，幾十版等住你創高峰丫！發瘟！）
我想我已經失常了．．．『但願人長久」唱ing.......我係鄧麗君.............我係鄧麗君.............我係鄧麗君.............我係鄧麗君.............我係鄧麗君...... (Noddy代筆) roy哥哥短短時間內的戰績．．．． 21 april 晨早採訪之旅勁呀！今日勁早入到沙田做訪問，好累，但係做做下幾好玩，聽一曲絕版黑膠鄧麗君《但願人長久》，已經夠經典，諗唔到再係被訪者家裡搵到卡通片黑膠碟添，而且仲係日文版叮噹喎...你聽過未..黑膠叮噹喎。正到呀...樂器聲同人聲絕對配合。 正喎...之後再去尖咀影野，食左個
20 april AV Fans原本要星期三，即係今日要交第一期AV Fans，但係由於懶囉，同埋身體不在狀態，果然變成龜速寫稿人員，但聽要又約左10:00的早晨去玩第二個Fans，又要早起啦！晨咁早要走到沙田，感覺認真無得頂，唯有今晚早訓D啦！ |
芝士豬頸肉公仔麵，正係一流。|
|
